परिसुचक १ सय बढि अंकले घट्यो

करिब १ महिना स्थगित भएर सुचारु भएको पुँजी बजार निरन्तर ओरालोको गतीमा छ । आईतबारदेखि सुरु भएको कारोबारमा चौथो दिन बुधबारसम्म आईपुग्दा १ सय अंक भन्दा बढिले नेप्से परिसुचक घटेको छ । बुधबार मात्रै बजार परिसुचक २२.१४ अंकले घटेको नेपाल स्टक एक्सचेन्ज नेप्सेले जनाएको छ ।

बजार घट्दो प्रबृत्तिमा अघि बढेपछि लगानीकर्ताहरु लगानी गर्नबाट सक्रि हुन छाड्ने अनुमान गरिएको छ । केही समूहले भने बजार घट्ने भन्दै नेपाल टेलिकम सहित ठूलो पुँजीकरण भएका कम्पनीको मूल्य घटाएर समग्र बजार प्रभावित गरेका छन् । सोमबार र मंगलबार टेलिकमको सेयरमा खरीदकर्ताको चाप देखिन थालेपछि बुधबार मूलय प्रभावित गर्न त्यसको सेयरमा चलखेल गरिएको लगानीकर्ताहरुले बताएका छन् ।

बुधबार टेलिकम सुचिकृत अन्य समूह ११.७४ अंक र बैंकिङ समूह २८.४१ अंकले घट्दा समग्र बजार ओरालो लागेको हो । बजार घटेपनि कारोबार रकम र कम्पनीको संख्या भने बढेको छ । वुधबार १५ करोड २१ लाख रुपैयाँ बराबरको ६९ कम्पनीका दुई लाख ७७ हजार ५१५ कित्ता सेयर किनबेच भएका छन् । आइतबारदेखि लगातार घटिरहेको चिलिमेको सेयर बुधबार बढेर विक्री भएपनि बजार बन्द हुँदासम्म त्यसको मूलय घटाइएको थियो । यद्यपी चिलिमेको सेयर एक करोड ९४ लाख रुपैयाँ बराबरको खरीद बिक्री भएको छ ।